सोसायटी स्तरावर तक्रार निवारण करण्यासाठी उपविधीत काय सुधारणा करावी?

Read in English

तंटा मुक्ती समिती किंवा गृहनिर्माण संस्था तक्रार निवारण समिती

अनेक गृहनिर्माण संस्थांमध्ये पदाधिकाऱ्यांच्या मनमानीला सभासद कंटाळलेले असतात. सभासदांना निबंधकांकडे तक्रार करण्यासाठी वेळ नसतो.

महाराष्ट्र सहकारी संस्था अधिनियम १९६० चे कलम १३ अनुसार उपविधी सुधारणा करता येते.

अशा वेळी वेळेची बचत व्हावी. संस्थेतच समस्येचे समाधान व्हावे. संस्थेचे वातावरण तंटामुक्त असावे, यासाठी उपविधी सुधारणा करून खालील गोष्टीचा समावेश उपविधीमध्ये करावा.

उपविधी क्रमांक १७४ मध्ये खालील मजकूर समाविष्ट करावा.

१७४: समितीकडून कळविण्यात आलेल्या निर्णयाने संबंधित सभासदाचे समाधान झाले नाही किंवा १५ दिवसात, समितीकडून कोणत्याही प्रकारे संपर्क साधण्यात आला नाही तर संस्थेच्या सभासदांना संस्थेच्या सर्वसाधारण सभेने गठीत केलेल्या तक्रार निवारण व सल्लागार समितीकडे गाऱ्हाणे मांडता येईल. अशा समितीच्या रचना व अधिकार सर्वसाधारण सभेने ठरविलेल्याप्रमाणे असतील.

उपविधी क्रमांक १७४अ हे वाढीव कलम खालील मजकूरासह समाविष्ट करावे.

१७४अ : तक्रार निवारण व सल्लागार समिती
“सर्वसाधारण सभेत संस्थेच्या तीन क्रियाशील सभासदांची मिळून समिती नियुक्त करण्यात येईल. सदर समितीत समिती सदस्य नियुक्त करता येणार नाहीत. सदर समितीचे अध्यक्ष हे नियुक्त सदस्यांपैकी जेष्ठ सदस्य असतील. अशा सल्लागार समितीच्या निर्णयाने संबंधित सभासदाचे समाधान झाले नाहीत तर तक्रारीच्या स्वरूपाप्रमाणे सभासद खालील प्राधिकृत अधिकाऱ्यांकडे संपर्क साधू शकतात.”

उपविधी सुधारणेसाठी सर्वसाधारण सभेला उपस्थित सभासदाच्या २/३ इतक्या बहुमताने मान्यता घेणे आवश्यक असते व त्यानंतर निबंधकांनी त्यास मान्यता दिल्यावर उपविधी लागू होतात.

या सल्लागार समितीमुळे अनेक संस्थातर्गत समस्या निकाली निघू शकतात, वेळ आणि पैसे दोन्हींची बचत होऊ शकते. शांती आणि सुखाने रहिवासी करणे साकार होऊ शकते.

अधिक माहितीसाठी संपर्क
श्री. युवराज (दादासाहेब) पवार
अध्यक्ष,
महाराष्ट्र सोसायटीज वेल्फेअर असोसिएशन, पुणे शाखा.
९८९०७१२२१७

गृहनिर्माण संस्थे संबंधित सगळ्या प्रश्नांची योग्य उत्तरे येथे मिळतील :