हाउसिंग सोसायटीच्या वार्षिक सर्वसाधारण सभे विषयी माहिती असावे, असे ठळक मुद्दे.

Read in English

वार्षिक सर्वसाधारण सभा घेताना तारांकित माहिती।

• ३१ मार्च नंतर ४ महिन्यात म्हणजेच ३१ जुलै अखेर पर्यंत लेखापरीक्षण पूर्ण केले पाहिजे.
• ३० सप्टेंबर पूर्वी वार्षिक सर्वसाधारण सभा घेतली पाहिजे.
• समितीने ३० सप्टेंबर पूर्वी घेण्यास कसूर केल्यास सभा बोलवण्याचा अधिकार निबंधक यांचा असतो.
• समितीने वार्षिक सर्वसाधारण सभा घेण्याची दिनांक, वेळ, जागा आणि सभेचे कामकाज निश्चित केले पाहिजे.
• वार्षिक सभा घेण्याचे ठरल्यावर सभेची नोटीस सक्षम हाती द्यावी किंवा पोष्टाने पाठवावी किंवा इमेल द्वारे पाठवावी. तसेच संस्थेच्या सूचना फलकावर लावावी.

वार्षिक सर्वसाधारण सभेचे ठळक मुद्दे

• वार्षिक सर्वसाधारण सभेला सर्वाधिकार असतात.
• समितीचा अध्यक्ष हा सभेचा अध्यक्ष असतो परंतु तो गैरहजरराहिला किंवा सभाध्यक्षाचे काम करण्यास राजी नसेल तर हजर सभासदांपैकी एकाला सभाध्यक्ष म्हणून निवडता येते.
• सर्वसाधारण सभेला एकूण सदस्यांच्या २/३ सदस्य किंवा २० सभासद यापैकी जी संख्या कमी असेल तितके सभासद हजर राहिल्यास गणपूर्ती होते.
• गणपूर्ती न झाल्यास सभा तहकूब करून नोटीस मध्ये लिहिले असल्यास त्याच दिवशी पुन्हा भरवता येते.
• सर्वसाधारण सभेला हजर राहणे, हा सदस्याचा हक्क आहे.
• सहयोगी सदस्यास एखाद्या सदस्यांच्या लेखी पूर्व संमतीने सभेला उपस्थित राहता येईल व मतदान करता येते
• सह सदस्यांच्या बाबतीत भाग दाखल्यावरील पहिले नाव असणारा सदस्य अनुपस्थित राहिल्यास दुसऱ्या क्रमांकावरील सह सदस्य सभेस उपस्थित राहू शकतो, मतदान करू शकतो.
• कायद्याच्या कक्षेत सर्वसाधारण सभेत घेण्यात आलेले निर्णय सर्व सभासदांवर बंधनकारक असतात. सभेला उपस्थित न राहता. “मी सभेला नव्हतो, मला निर्णय मान्य नाही” असं म्हणणारे अर्धवट किंवा बालिश असतात.
• संस्थेच्या अधिकार कक्षेत राहून संचालकाने त्यांच्या अधिकाराबाहेर संस्थेचे व्यवहार केले आणि त्यास सर्वसाधारण सभा मंजुरी देऊ शकते.

वार्षिक सर्वसाधारण सभेसमोर खालील बाबी ठेवाव्या,

• मागील सर्वसाधारण सभेचे इतिवृत्त वाचणे व कार्यवाहीची नोंद घेणे
• उत्पन्न खर्च व मागील वर्षाचे ताळेबंद हिशोबपत्रक स्वीकारणे
• लेखापरीक्षण अहवाल विचारात घेणे
• दोषदुरुस्ती अहवाल (असल्यास) त्यावरील कृती अहवाल विचारात घेणे
• पुढील वर्षाचे अंदाजपत्रक विचारार्थ ठेवणे
• शासकीय यंत्रणेकडून आलेल्या पत्रावर विचार करणे
• निवडणुकीबाबत आवश्यक चर्चा व निर्णय
• कार्यक्रम पत्रिकेवरील सर्व विषय संपल्यावर अध्यक्षांच्या परवानगीने चर्चा करण
• पुढील वर्षासाठी लेखापरीक्षकाची नेमणूक करणे.
• संस्थेच्या अधिकार कक्षेत राहून संचालकाने त्यांच्या अधिकाराबाहेर संस्थेचे व्यवहार केले आणि त्यास सर्वसाधारण सभा मंजुरी देऊ शकते.
• निवडणूक कार्यक्रम जाहीर करणे
• ७/१२ किंवा प्रॉपर्टी कार्ड संस्थेच्या नावावर करणे. अभिहस्तांतरण करणे
  वैगरे वैगरे

सभा झाल्यावर

• सभेचे इतिवृत्त १५ दिवसात तयार करून सभासदांना पाठवले पाहिजे, सभासदाच्या प्रतिक्रिया आल्यास त्या विचारात घेऊन अंतिम इतिवृत्त तयार केले पाहिजे. इतिवृत्त मसुदा ३ महिन्याच्या आत पूर्ण केला पाहिजे. अंतिम मसुदा इतिवृत्त पुस्तकात नमूद करून घेतला पाहिजे.
• सर्वसाधारण सभेचा ठराव संमत झाल्यापासून ६ महिन्याची मुदत संपल्याशिवाय रद्द करण्याचा ठराव करता येत नाही.
• सर्वसाधारण सभा किंवा व्यवस्थापन समितीचे ठरावावरून वाद निर्माण झाल्यास सहकारी न्यायलयात दाद मागावी लागते.
• लेखापरीक्षणात अफरातफर, लबाडी, समितीच्या निष्काळजीपणामुळे संस्थेचे नुकसान झाले असेल तर निबंधक संबधीताकडून नुकसान भरपाई मागू शकतात
• लेखापरीक्षा दुरुस्ती अहवाल वार्षिक सर्वसाधारण सभेत किंवा निबंधकाना सादर करण्यास कसूर केल्यास समितीला दोषी धरून कारवाई केली जाते
• वार्षिक सर्वसाधारण सभा घेण्यास कसूर करणाऱ्या पदाधिकाऱ्याला ५ वर्षासाठी निवडला जाण्यास अपात्र ठरवले जाऊ शकते.